मनवा कईसे लागी

0
201

प्रभास मिश्र
प्रभास मिश्र

ललना गईले ममहरवा
मनवा कईसे लागी हो ..२

भोरे से राती ले
रहले ऊहो आंखि के सोझा
एको पहरा छोड़नी नाहीं
बिनका उनके लेहले कोरा

ललना गईले ममहरवा
मनवा कईसे लागी हो..२

माई उनकर जब-जब उनपर
कढ़ली गोधनवा
रोवते ऊ आवस लगहीं
लेहले नलिसवा
लेई के कोरा उनके
बरी पुचकरनी
एही बीचे माईओं पर
खूबे खीसी झड़नी ,
फेनु जनी करींह अईसन
गलती ललन पर
जदि जे चली कबो
तहार चटकनवा
छोड़ेम नाहीं तोहके हमहु
बिना भेजले नईहरवा

ललना गईले ममहरवा
मनवा कईसे लागी हो ..२

राति में सुतला पर जब
फेंकस ऊ रजाई
बारी- बारी सोझा करी
फेरु दीहीं हम ओढ़ाई

ललना गईले ममहरवा
मनवा कईसे लागी हो ..२

भोरे -भोरे जब हम जगनी
ऊनकर पहिला दरसन कईनी
अब तs ऊहो ममहर गईले
तs हमहु अंखिआ खोलब कईसे

– प्रभास मिश्र जी

SHARE
Previous articleभोजपुरी काव्य गोष्ठी
Next articleधरम
जोगीरा डॉट कॉम भोजपुरी के ऑनलाइन सबसे मजबूत टेहा में से एगो टेहा बा, एह पऽ भोजपुरी फिल्म इंडस्ट्री के टटका ख़बर, भोजपुरी कथा कहानी, भोजपुरी किताब, भोजपुरी साहित्य आ भोजपुरी से जुड़ल समग्री उपलब्ध बा।

1 COMMENT

  1. बहुते सुन्दर। माई के मन के भाव गहराई साफ लउकत बा।
    इ लाइनन के कहही के नईखे प्रभाष जी
    राति में सुतला पर जब
    फेंकस ऊ रजाई
    बारी- बारी सोझा करी
    फेरु दीहीं हम ओढ़ाई
    परिचय दास जी के दू गो कबिता

एह पोस्ट पऽ रउरा टिप्पणी के इंतजार बा।

Please enter your comment!
Please enter your name here

four × one =