अनेक शब्द खातिर एक शब्द : भाग १

आपन भोजपुरी बड़ी समृद्ध बा आ शब्दन के खजना से भरल बा हमनी के कई हाली कवनो अइसन शब्द बोल देनी स जवना के मतलब बड़ होला माने अनेक शब्द खातिर एक शब्द।

अनेक शब्द खातिर एक शब्द : भाग १
अनेक शब्द खातिर एक शब्द : भाग १

भोजपुरियो में अनेक शब्द खातिर एक शब्द के कमी नइखें, जवना में से कुछ प्रचलित अनेक शब्द खातिर एक शब्द नीचे दिहल गइल बा।

जेकर मर गइल होखे – मुसमात
जवन छुवे लायक ना होखे – अछूत
जे कम खात होखे – अनखाती
सुन के अनसुना कइल – अनठीआवल
एक दिन बीच क के – आंतर
जवना बरतन मीट मछरी बने – करवाइन
कु करम करे वाला – कुकरमी
कुल के नाम बदनाम करे वाला – कुलबोरन
धीरे धीरे खाये वाला – निखुराह
कमाये वाला – कमासुत
सर (मुड़ी ) की ओर – सिरहानी
गोड़ की ओर – गोनतारी
हर चलावे वाला – हरवाह
जे माल-मवेशी के चरावे ला – चरवाहा
जेकर कद सामान्य से छोटा होखे – बौना
गीत गावे वाला/वाली – गवैया
पूजा करे वाला – पूजारी
जेकर बियाह भ गइल होखे – बियाहल
जेकर बियाह ना भइल होखे – कुंवार
तुरते जवन लड़िका जन्म ले ले होखे –जनमउती
एगो जनाना के मरद (पति) के दोसर पत्नी – सौतिन
जे घर, खेत, बगइचरा आदि के रक्षा करेला – अगोरिया
जहाँ माल-मवेशी राखल जाय – बथान
जे घास काटे जाय – घसवाहा/ घसवाहिन
जवना रस्सी से इनार से पानी निकालल जाला – उबहन, डोरी
जवना में भूसा राखल जाला – भुसउल, बेढ़ी
जवना के एगो आँख छोट होखे – अईंच
जवना के आँख भूअर होखे – कुईस
जवना घर में खाना पकावल जाला – भनसा, रसोई
जहवाँ अनाज भूजल जाला – घुनसार
जहवाँ खेत से काट के फसल राखल जाला – खरिहान

—-अगिला भाग जल्दिये आयी, इंतजार करी सभे—-

इहो पढ़ीं
भोजपुरी पर्यायवाची शब्द – भाग १
भोजपुरी पहेली | बुझउवल
भोजपुरी मुहावरा और अर्थ

Leave a Reply