हमेशा रहल नेह दियना बुताइल

फेरु बयरिया डोले लागी - श्रद्धानन्द पाण्डेय
फेरु बयरिया डोले लागी - श्रद्धानन्द पाण्डेय

हमेशा रहल नेह दियना बुताइल,
जिनिगिया ई अबले अन्हारे में बीतल।
हिया में रहल पीर अँखियनि में पानी,
न जियरा के केहू सकल सुनि कहानी,
न ओठनि प आइल कबो बात मन में,
जिनिगिया ई सोचे-विचारे में बीतल।
न आइल कबो ले संदेशा बदरिया,
रहल ताकते नीर भरले नजरिया,
न आइल घरे मीत मनवाँ के कबहूँ,
जिनिगिया ई रहिया निहारे में बीतल।
गइल बीत सावन ना गवलीं कजरिया,
बहल ना कबो मन्द शीतल बयरिया,
न साधनि के हमरा कबो मेघ बरिसल
जिनिगिया ई अबले सुखारे में बीतल।

-श्रद्धानन्द पाण्डेय

LEAVE A REPLY

Please enter your comment!
Please enter your name here

15 + sixteen =