जोगीरा सा रार रा रा रा रा…

भोजपुरी के बढ़िया वीडियो देखे खातिर आ हमनी के चैनल सब्सक्राइब करे खातिर क्लिक करीं।

नेताजी जी घर से निकलने , पब्लिक कैलस पीछा,
मुह देखावे केसे ,एहसे मूडी कैलन नीचा.
रंग ता उनकर गोर रहल, आ नियत पूरा करिया ,
जनता के थारी में खईलन, आ छेद देहलन थरिया .
जोगीरारा सा रा रा अर अर रा रा.

एगो नेता राजठाकरे ,चाचा उनकर बाल ,
अबकी भाषा क्षेत्रवाद के खूब पकईलन दाल.
खूब मराठी कूटने उनके , भगले दोनों जाना ,
up और बिहार ,कही न उनके मिलल ठिकाना,
बुरा न मनिहा राज ई हमरे सपना के हा फ़साना,
न मनबा जे कहना ता ई सपना सच हो जाई,
तहरे अईसन नेतवन, के तब पब्लिक सबक सिखाई..
जोगीरा सा रार रा रा रा रा ..

एगो नेता पावरफुल, शरद पवार हा नाम ,
अइसन खैने सब्जी भाजी, खाइल भईल हराम,
रेट गईल आसमान पे ,महंगाई के बनल रिकार्ड,
अब नारा बा जिए खातिर हवा आ पानी जिंदाबाद ,
जोगीरा सा रा रा रा रा रा.

उनके हाथ में तख़्त समाईल ,उबके सर पे ताज.
भोगत बाने राजयोग, हर पार्टी के युवराज .
केतनो करे आन्दोलन ,केतनो लाठी खाई .
पर कार्यकर्ता कब्बो पार्टी के नेता न बन पाई .
ऐसे में चमचा लोगन के मिली खूब मलाई …..
जोगी रा सा रा रा रा …………

मनमोहिनी सूरत उनकर मनमोहन हा नाम,
हवे pm देश के केहू न जाने काम .
बुरा लगे भा भला लगे ,सबके होई खिचाई,
काम न होई जनता के ता रोज जोगीरा गाई….
बोली सा रा रा रा ……….

देखनी दशा देश के ,ता आईल याद जोगीरा
मन के बात कुल्ही रख देहनी , मन हो आईल धीरा,
अब जननी हम कहे जोगीरा इतना जानल जाला ,
देश समाज के और मन के ,सबके छवि देखाल
जोन न कह पाई हमनी के ,जोगीरा कह जाला .
हस के सा रा रा रा रा ………….

पिछला लेखजोगिरा सा रा रा रा…
अगिला लेखहोली के जोगीरा…
टीम जोगीरा आपन भोजपुरी पाठक सब के ई वेबसाइट उपहार स्वरुप भेंट कर रहल बा। हमनी के इ कोशिश बा कि आपन पाठक सब के ढेर से ढेर भोजपुरी में सामग्री उपलब्ध करावल जाव। जोगीरा डॉट कॉम भोजपुरी के ऑनलाइन सबसे मजबूत टेहा में से एगो टेहा बा, एह पऽ भोजपुरी फिल्म इंडस्ट्री के टटका ख़बर, भोजपुरी कथा कहानी, भोजपुरी किताब, भोजपुरी साहित्य आ भोजपुरी से जुड़ल समग्री उपलब्ध बा।

Leave a Reply