विमल कुमार जी के लिखल चिपकाउ बिकाउ नेता

विमल कुमार जी
विमल कुमार जी

कुरसी में चिपकाउ भइल
नेता सभ बिकाभइले।
कुरसी के तोल मोल करेले
गुना भाग खूब जोड़ करेले।
जितला प उ ताल ठोकले
जनता के देख नाक भौं सिंकोड़ले।
भिरी जाए में अइसे डरेले
जइसे जनता भकाभइले।
कुरसी से चिपकाउ भइल
नेता सभ बिकाभइले। ।

लाज सरम सभ घोर पी गइले
दिन रात गुंडागिरी कइला।
हमनीं के भोट खातिर
गोड़ गिर खूब लोटिअइले ।
हिन्दू मुस्लिम सभ भड़कइले
भाषण ई भड़काँ कइले।
कुरसी से चिपकाउ भइल
नेता सभ बिकाभइले ।।

जनता दुख से कीड़ा भइल
जब नेता लूटे के रफ्तार बढ़इले।
हरदम सुख से ई अगराले
रुपया पइसा प लोटिआले ।
एसी में चिपकाउ भइल
नेता सभ बिकाभइले। ।

खिलल अउर फुलाइल देश के
सभ रस चूसने के ई झुलसइले।
देशवा के ई कोढ़ धरइले
अंग अंग देश के गलइले।
चोर बदमाश सभ उतरइले
निमन सभ धराउँ भइले ।
कुरसी से चिपकाउ भइल
नेता सभ बिकाभइले ।।

*******************
विमल कुमार
ग्राम +पोस्ट-जमुआँव
थाना-पीरो
जिला-भोजपुर (बिहार)

1 COMMENT

LEAVE A REPLY

Please enter your comment!
Please enter your name here

11 − one =