बड़ी फायदेमंद बा बसिया भात

0
391

बसिया भात हमनी के बेकार समझ के माल गोरु के खिया दिहल जाला ना त फेक दियाला। लेकिन अगिला बेर से जब भात बच जाव त फेकेब मत, काहेकि बसिया भात बहुत फायदे मंद होला।

रउवा घर मे भात बच जाव त फेकीं मत ओकरा के माटी के बरतन में रात भर पानी में फुला दीं आ सबेरे पियाज आ हरिहर मारीचा के साथे नासता में खायीं, मियाज खुस हो जाई, भले इ राउर फेवरेट नासता ना होखे बाकिर बसिया भात के फायदा सुन के राउर फेवरेट नासता जरुर हो जाई।

  1. बसिया भात के तासीर ठण्डा होला, उपर बतावल तरीका से रोज भात खाईला से रउवा देह के गरमी (टेंपरेचर) कंट्रोल में रहीं।
  2. भात में फाइबर भरपूर होला जवन कि कब्ज के बेमारी दूर रखेला।
  3. भात बसिया खाइल रउवा के दिन भर फ्रेश रखेला आ दिन भर काम करे के एनर्जी भी देला।
  4. अगर रउवा अलसर के समस्या बा त कम से कम हपता में तीन हाली भात बसिया खायीं, घाव जलदी ठीक हो जाई
  5. अगर रउवा चाय भा कॉफ़ी के लत बा त सबेर सबेर भात के बसिया खायीं, जल्दी कंट्रोल हो जाई।

एगो स्टडी के हिसाब से बसिया-भात में माइक्रो-न्यूट्रीएंट्स आ कई गो जरूरी मिनरल्स होला, येही से रोज बसिया भात खाइल सेहत खातिर फायदे मंद होला

एह पोस्ट पऽ रउरा टिप्पणी के इंतजार बा।

Please enter your comment!
Please enter your name here

14 − 11 =