डॉ गोरख प्रसाद मस्ताना के भोजपुरी गीत ‘तीत मीठ’

Dr. Gorakh parsad mastana
Dr. Gorakh parsad mastana

केहू से हम तीत मीठ बतियाई काहे
बिना कान से सुनले पतियाई काहे

झूठ साँच के खेल हवे आगी जइसन
बेमतलब के आपन हाथ जराई काहे

के, बा जे नीमन चाहेला दोसरा के
अनका कहले केहू से अझुराई काहे

मदद करे के बेरिया कुछुउ सोचनी ना
लउटा दिही, बा सबुर , छतियाई काहे

लउकत बा की बईमानी के धन बा आगू
रसबे न जब करी त उ हथियाई काहे

जे हमरा निमना बउरा में साथे बा
हम उनकर एहसन भला बीसराई काहे

बात ठीक, ना सकली दू दिल जोरे में
बूता न पवनी त, झगरा सुनगाई काहे

LEAVE A REPLY

Please enter your comment!
Please enter your name here

11 − one =